हुन त भावना कुनै भाषामा सिमित हुँदैन तर, भाषा सम्वन्धको दुरीको कारक बनिरहेको छ भने तपाईका लागि खुसीको खबर छ । हालै सार्बजनिक भएको एप्स भाषाको अनेकताका कारण बढेको दुरी कम गर्न महत्वपूर्ण बन्न सक्छ ।
जापानको सबैभन्दा ठूलो मोबाइल नेटबर्क ‘एनटीटी डोकोमो’ले सुरु गरेको नयाँ एप्सको माध्यमबाट हाल अंग्रेजी, मैडेरिन (चाइनिज) र कोरियाली भाषाको अनुवाद हुन्छ ।
बीबीसीका अनुसार छिट्टै अन्य भाषामा पनि यो सेवा उपलब्ध हुने छ । ‘टेलिफोन ट्रान्सलेसन’ को यो प्रविधि पछिल्लो दिनमा लन्च भएको नयाँ प्रविधिको हिस्सा हो ।
यसले टेलिफोन कुराकानीका क्रममा बोलिने आबाजलाई सुनेर त्यसको अनुवाद गर्नेछ । जानकारहरुका अनुसार क्वाउड कम्प्यूटिङको प्रविधिमा आधारित यस एप्सका प्रयोग कुनै पनि एन्ड्रोएड फोनमा गर्न सकिन्छ ।
प्रविधिका जानकार र यसका प्रयोगकर्ताहरु भने अनुवाद सटिक नभएका कारण हरेक स्थानमा प्रयोग गर्न नसकिने बताउँछन् ।
No comments:
Post a Comment