घाम ताप्न सुत्दा ज्यानै गयो

१५ कात्तिक, नुवाकोट । घाम तापेर सुतिरहेका नुवाकोटको चौघडाका अर्जुन बहादुर राईको गाडीले किचेर ज्यान गएको छ । सडक छेउमा घाम तापेर सुतेका ७० बर्षका राईलाई चौघडाबाट छहरे जाँदै गरेको ना ३ ख ६२५७ नम्बरको ट्रिपरले मंगलबार किचेको थियो । ट्रिपरले किचेपछि घाईते भएका राईको उपचारको क्रममा जिल्ला अस्पताल त्रिशुलीमा मृत्यु भएको प्रहरीले जनाएको छ । टि्रपरका चालक र ट्रिपरलाई जिल्ला प्रहरी कार्यालय नुवाकोटको नियन्त्रणमा लिएको छ ।