३ युवाले वुझेको प्रेमको अध्याय

तिन युवाले वुझेको प्रेमको परिभाषालाई मुख्य आधार बनाएर चलचित्र ‘अध्याय’ को निर्माण गरिएको छ । चलचित्रको हाल पोष्ट प्रोडक्शन कार्य भइरहेको छ ।

काठमाण्डौमा आयोजना गरिएको पत्रकार सम्मेलनमा सिनेमाको बारेमा जानकारी गराइएको हो । एउटै समय र परिबेशमा बसोबास गर्ने तिन फरक फरक पृष्ठभूमिबाट आएका युवाहरुले वुझेको प्रेमलाई सिनेमाले उठान गर्न खोजेको छ ।

उमेश श्रेष्ठ, रामहरी अधिकारी र सुरेश शाहीले निर्माण गरेको यो चलचित्रलाई दिनेश स्याङ्बोले निर्देशन गरेका हुन् । चलचित्रमा महेश शाक्य कर्मा, सिम्पल खनाल लगायतका कलाकारको अभिनय छ । पत्रकार सम्मेलनमा चलचित्रका अधिकांश कलाकार उपस्थित थिएनन् ।