किन किनमा पर्दा पछाडिका कलाकार पनि देखिने

फागुन २५ गतेबाट देशभरका हलमा प्रदर्शनमा आउन लागेको चलचित्र ‘किन किन’ ले एक नयाँ प्रयोगको सुरुवात गरेको छ ।

चलचित्रमा मिहिनेत गरेर काम गरेपनि पर्दा पछाडि नै सिमित रहदै आएका चलचित्रकर्मीहरु ‘किन किन’ को पर्दामो देखिने भएका छन् । चलचित्रको सुरुवातमा नाम समावेश गर्दा पर्दा पछाडिका चलचित्रकर्मीको फोटो समेत समावेश गरिने भएको छ । जसका लागि उनीहरुको फोटोसुट गरिएको छ । चलचित्रका निर्देशक उकेश दाहाल, संगीतकार महेश खड्का, नृत्य निर्देशकत्रय कविराज गहतराज, गोविन्द राई, समन अधिकारी निर्माण नियन्त्रक प्रकाश हमाल लगायतले फोटोसुट गरेका हुन् । उनीहरुको फोटोसुट कमल श्रेष्ठले गरेका हुन् ।

चलचित्रको पर्दा पछाडि रहेर काम गर्ने सबैलाई पर्दा अघि ल्याउन फोटोसुट गरिएको निर्देशक उकेश दाहालले जानकारी गराए । चलचित्रमा राजेश हमाल, करिश्मा मानन्धर, राज तिमिल्सिनाका साथमा नव नायिका अरुणिमा लामाको मुख्य भुमिका छ । सेक्स र प्रेमको बिषयलाई मुख्य रुपमा उठान गरेको यो चलचित्र अहिले प्रतिक्षाको छ ।