बेनिको बशमा यसरी नाँचे राजेश हमाल (भिडियो)

नृत्यमा कमजोर मानिएका नायक राजेश हमाल एक चलचित्रको गीतमा भने मझैले नाँचेका छन् । दिवाकर भट्टराईको निर्देशनमा तयार भएको चलचित्र ‘मेरो जीवन साथी’ को ‘सररर..बेग मारी बेनिको वश आयो’ बोलको गीतमा राजेशले छमछमी नृत्य गरेका हुन् ।

राजेशसँगै चलचित्रको यो गीतमा नायक रेश महरठ्ठा, नायिका रागिनी खड्गी लगायतका कलाकारको नृत्य हेर्न सकिन्छ । मंसिर १५ गतेबाट देशभरका हलमा प्रदर्शनमा आउन लागेको यो चलचित्रलाई सूर्य कार्कीले निर्माण गरेका हुन् । अर्जुन पोखरेलको संगीतमा तयार भएको गीतमा उदितनारायण झा र संजिवनीको आवाज छ । यो गीतमा रामेश्वर कार्कीको छायांकन, शंकर बीसीको नृत्य निर्देशन रहेको छ ।

चलचित्रमा रेखा थापा, सुष्मा कार्की लगायतका कलाकारले समेत अभिनय गरेका छन् । यसैबिच चलचित्र ‘मेरो जीवन साथी’ को प्रचारका लागि यसको निर्माणपक्ष मोफसलको भ्रमणमा निस्कने भएको छ । शुक्रबारबाट पोखरा, चितवन र बुटलव को भ्रमणमा निस्कन लागेको जानकारी यसको निर्माणपक्षले गराएको छ ।

७ लाख खर्च गरेर तयार पारिएको ‘सररर… बेग मारी बेनिको वश आयो’ बोलको गीतको भिडियोमा नायक राजेश हमाललाई खुबै खुलेर नृत्य गरेको देख्न सकिन्छ । गीतको भिडियो यस्तो बनेको छ ः