आलोचना भोगेपनि चल्ने भो एटीएम

प्रदर्शन अगावै प्रोमोमा राखिएको अश्लिल संवादका कारण चर्चामा आएको चलचित्र एटीएम अन्तत मंसिर ८ गतेबाट प्रदर्शनमा आउने भएको छ ।

कात्तिक १७ लाई प्रदर्शन मिति तोकेर प्रचारमा उत्रिएको एटीएमको प्रदर्शन मिति मंसिर ८ गते सरेको हो । दिनेश थापाको निर्माणमा तयार भएको सिनेमालाई यादव सिलवालले निर्देशन गरेका हुन् । चलचित्रमा दिनेशका अलवा जिया के.सी, सबिना कार्की, सोनीया शर्मा लगायतका कलाकारको अभिनय छ ।

चलचित्रमा समावेश दृश्य र संवाद उच्छृङ्खल भएपछि सेन्सर बोर्डले चलचित्रका थुप्रै दृश्य काटेको थियो । सेन्सर बोर्डले दृश्य काटेपछि चलचित्रको पुनः छायांकन समेत गरिएको थियो । चलचित्रमा नायिकात्रय जिया के.सी, सबिना कार्की र सोनीया शर्माले खुलेरै अंगप्रदर्शन गरेका छन् । चलचित्रका निर्माता दिनेश थापाले तिन नायिकासग पर्दामा मस्ति गरेको देख्न सकिन्छ ।

चलचित्रमा समावेश दृश्य र संवादलाइ लिएर चलचित्र वृत्तमा चर्को बहस समेत भएको थियो । तर विभिन्न आलोचना र विरोधका वावजुत पनि यो चलचित्र प्रदर्शनमा आउन लागेको हो ।