आकर्सक ज्यान बनाउँदै ज्याक्वेलिन

कात्तिक २४ (एजेन्सी)- बलिउड अभिनेत्री ज्याक्वेलिन फर्नान्डेज अहिले नियन्त्रित खानपानसहित जिममा शारीरिक व्यायाम गरिरहेकी छन्। फिल्म ‘रेस २’को लागि छरितो ज्यान तयार पार्न उनले यस्तो परिश्रम गरेकी हुन्। मिस श्रीलंका ज्याक्वेलिनले उक्त फिल्ममा प्रशस्त एक्सन दृश्य दिनुपर्ने बताइएको छ। यसका लागि उनले दुईजना अन्तर्राष्ट्रिय प्रशिक्षकबाट तालिम लिइरहेकी छन्।’उनले फिल्ममा स्टन्ट आफैं गर्न खोज्दैछिन्, भियतनाम र क्यानाडाका प्रशिक्षकबाट उनले तालिम लिइरहेकी छन्, उनको शरीर केही पातलो र बलियो हुनेछ,’ एक स्रोतले बताए।
उनले शरीरको मिहीन व्यायाम, नृत्य र स्टन्टको अलगअलग प्रशिक्षण लिइरहेकी छन्। शारीरिक लचकताका लागि उनले विक्रम योगा अभ्यास गरिरहेकी छन्। उनीद्वारा यसअघि अभिनित फिल्म ‘अलादिन’, ‘जाने कहाँ से आयी है’, ‘हाउसफुल’, ‘मर्डर २’ र ‘हाउसफुल २’ हुन्। सन् २००८ मा बनेको ‘रेस’को दोस्रो भाग यस फिल्मको निर्देशन अब्बास मस्तानले गर्दैछन्। फिल्ममा सैफ अलि खान, जोहन अब्रहाम, दीपिका पादुकोण र अनिल कपुरको पनि अभिनय रहनेछ।