२१ कात्तिक, काठमाण्डौं । नयाँ राष्ट्रपति चयन गर्न अमेरिकामा आज राष्ट्रपतिय निर्वाचन हुँदैछ । नयाँ राष्ट्रपति बन्ने होडमा रहेका वर्तमान राष्ट्रपति बाराक ओबामा र रिपब्लिकन पार्टीका उमेद्दार मिट रोमनीले प्रतिष्पर्धा गर्दैछन् ।
मतदानका लागि अमेरिकामा अहिले १० करोड नागरिक योग्य छन् । जुन ५ सय ३८ इलेक्ट्रोल मत हो । उक्त मत मध्ये जुन उमेद्दारले दुई सय ७० इलेक्ट्रोरल कलेजको मत पाउँछ उसले नै चुनाव जित्ने छ ।
मतदान अघि गरिएका सर्वेक्षणहरुमा पनि यी दुई प्रतिष्पर्धी बीच बराबरी नतिजा आएकाले आजको निर्वाचनमा अत्यन्तै प्रतिष्पर्धा हुने विश्लेषकहरुको दाबी छ ।
दुवै उमेद्दारले आर्थिक विकास, सुरक्षा अवस्था र विदेश नीतिलाई आफ्नो चुनावी एजेण्डा बनाएका छन् ।
निर्वाचनको अभियानका लागि यस बर्ष अमेरिकामा लाखौ डलर खर्च भएको छ । अमेरिकामा प्रत्येक चार चार बर्षमा राष्ट्रपति निर्वाचन हुनेगरेको छ ।
आजको निर्वाचन जित्ने उमेद्दारले आगामी जनवरी २१ तारिखमा शपथ ग्रहण गरी आफ्नो कार्यभार समाल्नेछन् ।
No comments:
Post a Comment